Siak ni Nelsa Bansa, maysa nga miyembro iti Pantawid Pamilya Pilipino Program, naggapu diay Barangay Viga, Lasam Cagayan. Ti umuna nga pasamak iti panag-biag mi ket ti rugi ti panagasawa mi idi 1999. Naki-kabbalay kami iti nagannak iti nakay-kamangak. Maysa a tawen kami met nagda-diyan inggana naad-daan kami iti maysa nga anak.

Maybagak iti rigat iti maki-kabbalay gapu ta saan me met maaramid am-amin nga kayat mi nga pasamak. Kasapulan na pay nga paggu-gudwaan mi iti man-manu nga mayyawid ni lakay ko nga kwarta. Iti pagsapulan ni lakay ko ket iti taltalun. Isuna iti agtalun, agraep, agsikka ken aggapas. Nu maminsan mabalin nak met agsikka ken aggapas, ngem nu kasapulan iti agaywan kadagiti annak ko ket haan nak makasalug iti tal-talun.

Iti asi ni Apu, nasaltan mi met daytoy nga rigat ket naaddaan kami iti balay nga nakisina kadagiti nagganak ni lakay, kasta met iti panag-dakkel iti pamilya mi, na-addaan kami iti uppat nga anak.

Kadaytoy nga panagdakkel dagiti annak ko ket umadu met iti panag-gastuan mi. Marig-rigatan kami ni lakay ko nga agsapol iti pangalaan mi tapno lang makaserrek da iti eskwela. Ket Agyaman kami ti Apu Diyos sapay daytoy Pantawid Pamilya Pilipino Program ket natulungan kami nga agpabasa kaniya da.

Kadaytoy nga programa, saan lang nga iti cash grant iti naited na, adda pay iti Family Development Sessions nga pakaalaan mi iti leksiyon. Agyaman nak unay ta naisuro kaniyak iti naimbag nga pagpadakkel dagiti annak ko kasta pay iti panagiggem iti kwarta tapno magatang mi dagiti kasapulan mi ken adda pay to mailemmeng mi nga mabalin tu nga capital a pagka-kwartaan.

Kadagitoy nga panagdi-diyan mi iti programa, agyaman kami unay, ngem ammu mi met nga dumteng tu iti aldaw nga agsardeng iti panagawat mi ti cash grant ket isag-sagana mi met iti bagi mi ken panagbiyag mi tapno saan min tu  kasapulan daytoy nga programa ket mapag-turpos mi latta dagiti annak mi.

###Testimonya ni Nelsa Bansa